ഇന്ത്യ ആഗോള ശക്തിയാവാന്‍ കാലു നീട്ടി നില്‍ക്കുന്ന ഈ കാലഘട്ടത്തില്‍ പാവം ഇറ്റാലിയന്‍ പൌരന്മാരുടെ അവകാശങ്ങള്‍ എന്ത് വില കൊടുത്തും സംരക്ഷിക്കപ്പെടണം.ഇറ്റലി നമ്മുടെ രാജ്യത്തിനു നല്‍കിയ വലിയ സംഭാവനകള്‍ ഈ അവസരത്തില്‍ സ്മരിക്കേണ്ടതാണ്. മഹത്തായ ഈ രാജ്യം ഭരിക്കുക എന്ന ചുമതല ശിരസ്സ വഹിക്കാന്‍ നമുക്കൊരു മാഡത്തെയും അതിനു ശേഷം ഭരിക്കാന്‍ ഒരു സ്വദേശി മകനെയും സംഭാവന ചെയ്യുക എന്ന വലിയൊരു കടമക്കു നാം ഇറ്റലിയോട് കടപ്പെട്ടിരിക്കുന്നു. കൊട്ടരോച്ചി മുതല്‍ കാസനോവ വരെയുള്ള പേരുകളെ ഇന്ത്യക്കാര്‍ക്ക് വിശിഷ്യ മലബാരീസിനു പരിചയപ്പെടുത്തിയത് ഈ മഹാരാജ്യമാണ്.
രണ്ടു പാണ്ടികള്‍ തോക്കിനു മുന്നില്‍ ചാടി ആത്മഹത്യ ചെയ്ത കേസില്‍ പാവം കപ്പിത്താന്‍ എന്ത് പിഴച്ചു? അല്ലെങ്കിലെ ഇറ്റലി കടക്കെണിയില്‍ ആണ്. ഇങ്ങനെ ഉള്ള സമയത്ത് ഇന്ത്യ വേണം അവരെ സംരക്ഷിക്കാന്‍. രണ്ടു തമിഴന്മാര്‍ വെടി നെഞ്ചില്‍ ഏറ്റു വാങ്ങിയ സംഭവം ഇന്ത്യയുടെ ഐക്യ രക്ഷ്ട്രരക്ഷസമിതി അംഗത്വത്തെ വരെ ...ബാധിച്ചേക്കാം. അത് കൊണ്ട് പരസ്യമായി സര്‍ദ്ടാര്‍ജിയോ ആന്റപ്പനോ മാപ്പ് പറഞ്ഞോട്ടെ.. എന്തായാലും ജയിലില്‍ ഇടാന്‍ പറ്റില്ല. കസബിനു ബിരിയാണി കൊടുത്തു മുടിഞ്ഞിരിക്കുകയാ. ഇവര്‍ക്ക് പാസ്ട്ട, പിസ ഒക്കെ കൊടുക്കാന്‍ ഇസ്സി കാശാവും. കസബിനെ പോലെ കറുത്ത തൊലി അല്ല. നല്ല വെളുത്ത സായിപ്പിന്റെ തൊലി ആണ്. ഭോപ്പാല്‍ വാതക കേസിലെ സായിപ്പിന് രക്ഷപ്പെടാന്‍ സഹായം ഒരുക്കിയ സംഭവം ഇത്തരുണത്തില്‍ മാതൃക ആക്കാവുന്നതാണ്
കടല്ക്കൊള്ളക്കാരെ നേരിടാന്‍ പ്രാപ്തരാനെന്നു തെളിയിച്ച സായിപ്പിന് അടുത്ത ആഗസ്റ്റ്‌ പതിനഞ്ചിന് ഒരു പരമ വീര ചക്രവും പറ്റുമെങ്കില്‍ ഖേല്‍ രത്ന അവാര്‍ഡും കൊടുക്കണം..വേണേല്‍ ജസ്പാല്‍ റാണക്കും രാജ്യ വര്‍ദ്ധന്‍ രാത്തോടിനും ഇവരുംറെ കീഴില്‍ പരിശീലനാവും കൊടുക്കണം. ഉന്നത്ത്തില്‍ വെടി വെക്കേണ്ടത് എങ്ങനെ എന്ന വിഷയത്തില്‍ കോഴിക്കോട് രാധാകൃഷ്ണ പിള്ളയുമായി ചേര്‍ന്ന് കേരള പോലീസിനു ഒരു ക്ലാസും എടുത്തു കൊടുപ്പിക്കാം. സായിപ്പാണ്‌ മോനെ സായിപ്പ് നട്ടെല്ല് വളഞ്ഞു തന്നെ നില്‍ക്കണം
No comments:
Post a Comment